Successful Stories TSSF

Ko hoku hingoa ko Kilifi Tupou Fatafehi, koe fika 2 au ‘i he fanau ‘e toko 6 pea ‘oku mau nofo ‘i Havelu. ‘Oku ou ha’u mei he famili ‘oku ‘ikai ma’u me’a, pea koe ma’u’anga mo’ui koe ‘alu pe ki ‘uta mo tahi. Ko e lahitaha ‘i he’emau fanau kuo ‘osi ma’u famili pea ‘oku tokanga taha ia ki he’ene famili, pea koau pe ‘a e fika 2 ‘aia ‘oku fai mai ‘a e falala ‘a e famili ki hono tauhi ‘emau ongomatu’a moe toenga famili.

Neongo ‘ene ngali faingata’a ‘a e ‘atakai ‘oku ou ‘iai makatu’unga ‘i he fe’amokaki ka ‘oku hoko pe ia koha me’a kene faka’ai’ai mo fakalotolahi’i au keu feinga ‘aki hoku lelei taha ‘i ha ngaahi faingamalie teu ma’u koe’uhi ke tauhi ‘aki hoku famili. Ko ‘eku taumu’a ia ke ma’u ha ngaue lelei ke fakakakato ‘aki hoku fatongia ki hoku famili.

‘Oku ou lolotonga fakakaungatamaki ‘i he ‘apiako Fokololo ‘i he tafa’aki ‘uhila pea ‘oku ‘iai ‘a e loto hounga mo’oni ‘iate au koe’uhi koe polokalama sikolasipi ‘a e SET Project ‘i hono fakakau atu au ki he polokalama ni. ‘Oku kau e tokoni ko’eni ‘i he fu’u tokoni lahi ‘aupito pea ‘oku matafi atu ai ‘a e konga lahi ‘o e mafasia fakapa’anga, ‘ikai koia pe ‘oku toe kau ia hono fakalotolahi’i au keu toe feinga malohi ange pea ‘oku ou ongo’i ‘oku lele ‘i matangi ‘a e feinga ‘oku ou fai pea ‘oku ‘iai ‘a e fakatetu’a lelei ki he ola ‘oe feinga makatu’unga ‘i he fu’u tokoni ko’eni. Fakamalo lahi atu koe’uhi koe fu’u tokoni lahi ko’eni ‘ou lave ai au mohoku famili. ‘Oku ou fakaloto lahi atu ki he Tonga kotoa ke mou fakahu ha’amou kole kihe polokalama ko’eni he ‘oku hoko koe vaikau’aki pea fakalave ‘aupito ki he feinga ki he kaha’u hotau ngaahi famili pea pehe kihotau fonua masiva. Malo ‘aupito.

Components

The project consists of four components.

Polokalama Tokoni ki he Ngaahi Famili Tu'ulaveangofua mo Masivesiva 'oku 'iai 'enau Fanau Ako Kolisi 'i Tonga

Pa'anga Tokoni ki he Fanau Ako TVET

Ngaahi Polokalama Ngaue ki Tu'apule'anga

Tafa'aki 'oku ne tokonga'i hono fakalelei e ngaahi polokalama e poloseki SET 'i he Konga 1-3.

Latest News